ҲадисларHadislarЁрдамYordam
Дастур ҳақида
Ҳадислар ҳадисни топиб, Word, Google Docs, WordPress ёки браузердаги ҳар қандай матн майдонига қўяди: ҳаракатли арабча матн, ўзбекча таржима (кирилл, лотин ёки янги лотин) ва тахриж — китоб, рақам ва китоб муаллифи ҳукм берган бўлса, унинг номи билан ҳукми.
11 китоб, 89 215 ҳадис. Ҳадис маълумотлари шу сайтнинг файллари; бошқа серверларга ҳеч нима юборилмайди ва шахсий маълумот йиғилмайди (Махфийлик). Матнлар ва манбалар ҳақида: Шартлар.
Фойдаланиш
- Қидирув майдонига ҳавола («Бухорий 1», «Муслим 2564/2») ёки сўз ёзинг: арабча (ҳаракатли ёки ҳаракатсиз) ёки ўзбекча. Ёки китобни танлаб рақамини ёзинг.
- Натижани танланг. Ҳадис одатда уни Пайғамбар соллаллоҳу алайҳи васалламдан эшитган саҳобийдан бошланади; «Тўлиқ санад» — бутун санад билан, «Фақат матн» — фақат Пайғамбар соллаллоҳу алайҳи васалламнинг сўзлари; бир қисмини олиш учун биринчи ва охирги сўзни босинг.
- Арабча, ўзбекча ва тахрижни тугмачалар билан ёқинг ёки ўчиринг; ёзувни танланг: «Öz» — янги лотин (ö ğ ş ç), «Ўз» — кирилл, «Oʼz» — лотин (oʻ gʻ).
- Қўйиш (ҳужжатда курсор турган жойга) ёки Нусха тугмасини босинг. Ёнидаги тугма охирги қўйишни бекор қилади, бошқаси расм нусхасини олади.
- Юлдузча ҳадисни «Сараланганлар»да сақлайди; «Яна» уни Саватга қўшади (бир нечта ҳадис, манбалар умумий рўйхати билан), ҳавола ёки Markdown нусхасини олади.
- Созламалар: стандарт ёзув (учталасидан бири) ва лотиндаги апостроф (ʻ ʼ, ‘ ’ ёки '), мавзу (13), нима қўйилиши, ҳар бир қисм учун шрифт.
Ўрнатиш
Word, Chrome, Edge, Firefox, Google Docs ва WordPress: Ўрнатиш.
Саволлар
Ҳукм қаердан олинади?
Фақат китоб муаллифининг сўзидан (масалан, Термизий: «ҳасан саҳиҳ»), ким айтгани билан. Китобда бўлмаса, кўрсатилмайди. Бухорий ва Муслим ҳадисларига ҳукм қўйилмайди.
«Бошқа олимлар баҳоси» нима?
Муаллиф сўзидан алоҳида: муҳаддисларнинг баҳоси — Албоний ва Арнаут (Абу Довуд, Термизий, Насоий, Ибн Можа), Заҳабий («Талхис», Ҳоким), Бусирий («Завоид», Ибн Можа), Арнаут (Муснади Аҳмад), Хайсамий («Мажмаъуз завоид»: Аҳмад ва Табароний «Авсат»и) — олим номи, асари ва рақами билан, очиқ манбадан. Ҳадис манбадагисига матни бўйича солиштирилади; ишончсиз мослик кўрсатилмайди. Байҳақий ва Дорақутний учун ҳозирча баҳо йўқ; Табаронийда фақат Хайсамий баҳолаган ҳадисларда бор. «Фақат матн» қўйилганда баҳо қўшилмайди (Созламаларда ёқиш мумкин).
Ҳадисда арабча ёки ўзбекча матн йўқ.
Демак, манбада йўқ; панель шуни айтади, ўзидан тўқимайди.
Интернетсиз ишлайдими?
Биринчи фойдаланишдан кейин браузер ишлатилган файлларни сақлайди ва офлайн кўрсатади; янги ҳадислар учун уланиш керак.
Хато топдим.
Китоб ва рақамни кўрсатиб hadis@abdulloh.org манзилига ёзинг.
Алоқа
Абдуллоҳ Ҳамидуллоҳ ал-Мадийний · hadis@abdulloh.org
Dastur haqida
Hadislar hadisni topib, Word, Google Docs, WordPress yoki brauzerdagi har qanday matn maydoniga qoʻyadi: harakatli arabcha matn, oʻzbekcha tarjima (kirill, lotin yoki yangi lotin) va taxrij — kitob, raqam va kitob muallifi hukm bergan boʻlsa, uning nomi bilan hukmi.
11 kitob, 89 215 hadis. Hadis maʼlumotlari shu saytning fayllari; boshqa serverlarga hech nima yuborilmaydi va shaxsiy maʼlumot yigʻilmaydi (Maxfiylik). Matnlar va manbalar haqida: Shartlar.
Foydalanish
- Qidiruv maydoniga havola («Buxoriy 1», «Muslim 2564/2») yoki soʻz yozing: arabcha (harakatli yoki harakatsiz) yoki oʻzbekcha. Yoki kitobni tanlab raqamini yozing.
- Natijani tanlang. Hadis odatda uni Paygʻambar sollallohu alayhi vasallamdan eshitgan sahobiydan boshlanadi; «Toʻliq sanad» — butun sanad bilan, «Faqat matn» — faqat Paygʻambar sollallohu alayhi vasallamning soʻzlari; bir qismini olish uchun birinchi va oxirgi soʻzni bosing.
- Arabcha, oʻzbekcha va taxrijni tugmachalar bilan yoqing yoki oʻchiring; yozuvni tanlang: «Öz» — yangi lotin (ö ğ ş ç), «Ўз» — kirill, «Oʼz» — lotin (oʻ gʻ).
- Qoʻyish (hujjatda kursor turgan joyga) yoki Nusxa tugmasini bosing. Yonidagi tugma oxirgi qoʻyishni bekor qiladi, boshqasi rasm nusxasini oladi.
- Yulduzcha hadisni «Saralanganlar»da saqlaydi; «Yana» uni Savatga qoʻshadi (bir nechta hadis, manbalar umumiy roʻyxati bilan), havola yoki Markdown nusxasini oladi.
- Sozlamalar: standart yozuv (uchtasidan biri) va lotindagi apostrof (ʻ ʼ, ‘ ’ yoki '), mavzu (13), nima qoʻyilishi, har bir qism uchun shrift.
Oʻrnatish
Word, Chrome, Edge, Firefox, Google Docs va WordPress: Oʻrnatish.
Savollar
Hukm qayerdan olinadi?
Faqat kitob muallifining soʻzidan (masalan, Termiziy: «hasan sahih»), kim aytgani bilan. Kitobda boʻlmasa, koʻrsatilmaydi. Buxoriy va Muslim hadislariga hukm qoʻyilmaydi.
«Boshqa olimlar bahosi» nima?
Muallif soʻzidan alohida: muhaddislarning bahosi — Alboniy va Arnaut (Abu Dovud, Termiziy, Nasoiy, Ibn Moja), Zahabiy («Talxis», Hokim), Busiriy («Zavoid», Ibn Moja), Arnaut (Musnadi Ahmad), Xaysamiy («Majmaʼuz zavoid»: Ahmad va Tabaroniy «Avsat»i) — olim nomi, asari va raqami bilan, ochiq manbadan. Hadis manbadagisiga matni boʻyicha solishtiriladi; ishonchsiz moslik koʻrsatilmaydi. Bayhaqiy va Doraqutniy uchun hozircha baho yoʻq; Tabaroniyda faqat Xaysamiy baholagan hadislarda bor. «Faqat matn» qoʻyilganda baho qoʻshilmaydi (Sozlamalarda yoqish mumkin).
Hadisda arabcha yoki oʻzbekcha matn yoʻq.
Demak, manbada yoʻq; panel shuni aytadi, oʻzidan toʻqimaydi.
Internetsiz ishlaydimi?
Birinchi foydalanishdan keyin brauzer ishlatilgan fayllarni saqlaydi va oflayn koʻrsatadi; yangi hadislar uchun ulanish kerak.
Xato topdim.
Kitob va raqamni koʻrsatib hadis@abdulloh.org manziliga yozing.
Aloqa
Abdulloh Hamidulloh al-Madiyniy · hadis@abdulloh.org